Tolosaldeko biraren zazpigarren etapa antolatu du Urdaburuk hilaren 15erako
Ikaztegietatik Albizturrera joango dira errenteriarrak, lau ordu eta erdi inguruko etapa egingo dute. Aldez aurretik izena eman beharko da.
Urdaburu Mendizale elkarteak antolatzen duen lehiaketaren argazki irabazleak. Urdaburu Mendizale Elkarteak Tolosaldeko biraren 7. etapa egingo du datorren hilaren 15ean (larunbata da). Ikaztegietatik (Gipuzkoa) Albizturrera (Gipuzkoa) joango dira errenteriarrak, eta bidean Intxurreko gailurretik eta Santutxoko bentatik pasako dira. Guztira, 4 ordu eta erdi inguruko iraupena izango du etapak. Etapa bukatzean Albiztun bazkalduko dute, bakoitzak etxetik eramaten duenarekin. Ondoren, herrira itzuliko dira.
7:30ean abiatuko da autobusa, Zumardiko autobus geltokitik.
Ibilbidearen xehetasun guztiak esteka honetan jaso ditu elkarteak, eta izen emateak hemen egin daitezke. Bestela, egoitzatik pasa daitezke herritarrak, astearte eta ostegunetan 19:00etatik 21:00etara. 943 52 78 79 telefono zenbakira ere hots egin daiteke.
