Aiur Illarreta Beñaran lezoarra, birritan munduko txapeldun kayak surfean
Ingalaterran jokoan izan den Munduko Txapelketan Junior Mailako Long Boat eta Short Boat modalitateetan izan da onena gazte lezoarra.
Kayak surfeko euskal selekzioko kideak. Illarreta beheko lerroan dago, ezkerretik lauharrena (eskuineko ukabila altxata du). Aiur Illarreta Beñaran 17 urteko lezoarra kayak surfeko munduko txapeldun izan da asteburuan. Bitan gainera: Junior Mailako Short Boat (piragua motza) eta Long Boat (piragua luzea) modalitateetan izan da podiumaren gorenean gaztea, banakako lehietan, Euskal Selekzioa ordezkatuz. Ostegunean, taldekakoan, Euskal Selekzioa izan zen munduko txapeldun.
Buden (Ingalaterra) izan da jokoan kayak surfeko Munduko Txapelketa. Euskaldunen nagusitasuna ia erabatekoa izan da. Izan ere, bakarkako lehietan jokoan zeuden hamasei urrezko dominetatik, hamar Euskal Herrira etorri direlako.
Junior kategoriako lehen postuez gain, nabarmentzekoa da Illarreta laugarren izan zela Open Short Boat proban: bertan, adin guztietako kirolariek hartu zuten parte.
Kayak surfeko euskal selekzioko kideak. Beheko lerroko ezkerretik laugarrena da Aiur Illarreta lezoarra (eskuineko ukabila altxata du).
