Musika eta zinema uztartuko dituzte igandean, Lekuona Fabrikan
Pandemia garaian zendutako Ennio Morricone eta Evangelos Odiseas 'Vangelis' konpositoreak gogoratu eta omenduko ditu aurtengo Errenteriako Musika Bandaren kontzertuak. Sarrerak hiru euroan eskura daitezke jada.
Alkatea musika bandako kideekin batera, gaurko agerraldian. Igande honetan (hilak 16) kontzertu berezi batek hartuko du Lekuona Fabrika. Errenteriako Musika Bandak kontzertua eskainiko du, musika eta zinema uztartuko dituzte beste behin. Pandemia garaian zendutako bi konpositore gogoratu eta omenduko dituzte aurten: Ennio Morricone eta Evangelos Odiseas ‘Vangelis’. Eta egitaraua biribiltzeko, lehen mailako beste konpositoreen musika ere entzun ahal izango da, tartean, John Williamsena.
Ordubete inguruko iraupena izango du saioak. Besteak beste, Per qualche dollaro in piu, Ill bueno, il brutto, il cattivo, The Mission, Nuevo Cinema Paradiso edo Piratas del Caribe filmen soinu bandarekin gozatzeko aukera izango da, film horien irudiak proiektatuko dituzte bitartean.
Sarrerak dagoeneko eskura daitezke, hiru euroren truke, Lekuona Fabrikako leihatilan edota este honetan.
Gaurko aurkezpenean Aizpea Otaegi alkatea izan da, eskerrak eman dizkie musika bandako kideei “gauza berriak eskaintzeko nahi eta motibazio” horregatik. “Luxu bat da normalean pantailaren bidez entzuten dugun hori zuzenean entzun ahal izatea. Gehienok pelikula gehienak ikusita izango ditugu, datorrenari dena egingo zaio ezagun eta oso hurbileko”.
