Oiarpeko pilotarien asteburuko emaitzak (2022-10-11)
Oiarpeko pilotariek 11 norgehiagoka jokatu dituzte asteburuan, eta horietako lau irabazi dituzte. Gaur eta biharko, beste lau partida.
Oiarpeko pilotariek 11 partida jokatu dituzte asteburuan. Horietako lau irabazi dituzte Oiartzungo pilota elkartekoek.
Norgehiagoka gehienak txapelketetako lehen fasekoak izan dira, hiru kenduta. Gartzarongo (Nafarroa) Gazte Mailako txapelketako final zortzirenak gainditzea lortu du Leonetek, Olaizekin bikotea osatuta.
Baztango txapelketako gaztetxoen B mailan, bestalde, Oiartzabal eta Galardik (beste taldetako pilotari banarekin bikoteak osatuta) ezin izan zuten aurrera egin. Aurrekanporaketako partidak galdu ziztuzten oiartzuarrek. Aranburuk, txapelketa bereko Gazte Mailan, bere partida tanto bakarrarengatik galdu zuen.
Bihar, ofizialki, jai eguna izanda, beste lau partida jokatzeko aprobetxatuko dute, Egiako (Donostia) eta Lizarrako (Nafarroa) txapelketetan banatuta.
Asteburuko partiden emaitzak ikusteko zein gaur eta biharko kartelerak kontsultatzeko, egin klik hemen.
