Plazak libre, hainbat udal ludotekatan
Datorren astelehenean irekiko dituzte izen emateak, eta asteazkenean itxiko. Gurasoek aurrez aurre egin beharko dute, 17:30etik 19:00era.
Errenteriako Udalak plaza kopurua handitu du udal ludoteketan. Hori dela eta, Agustinak auzoan lau plaza daude oraindik ere betetzeke; hamaika, Beraunen; hamahiru, erdigunekoan; hogeita zortzi, Kaputxinoak auzokoan; eta hamaika, Markolan. Izen emateak astelehenetik asteazkenera egin beharko dira, arratsaldeko 17:30ak eta 19:30ak artean.
6 eta 12 urte bitarteko umeak dituzten familia interesdunek plazen erreserba eskaera egin dezakete jada, aurrez aurre seme-alaba joango den ludotekan. Plazen esleipena izen-emateen hurrenkeraren arabera egingo da, eta kupoa betetzean ez da izen-emate gehiagorik onartuko.
