Antxoko kintoen festak zenbait aldaketa eragingo ditu trafikoan
Gelasio Aranburuko lehen zenbakitik Kamio tabernara arte doan tramuari eragingo diote, nagusiki, larunbateko moldaketek.
Gelasio Aranburura sartzeko Nafarroa etorbidea erabili beharko da. Azken kale horrek bi noranzko izango ditu larunbatean. 
Datorren larunbatean, hilak 22, Kintoen festa erraldoia egingo dute Pasai Antxon. Antolatzaileek emandako informazioaren arabera, 1.300 lagun inguru bilduko dira barrutian bazkaldu eta egun osoko jaialdiaz gozatzera.
Neurri horretako ospakizunak, ezinbestean, zenbait aldaketa eragingo ditu trafikoan; are eta gehiago kontuan hartuta Antxoko erdigunea obretan dagoela gaur egun. Udaltzaingoak emandako informazioaren arabera, Gure Zumardia kaleta itxita egongo da 5 eta 13 zenbakien (Mimos taberna) artean, 11:00etatik 18:00etara.
Hori dela eta, Gelasio Aranburu kaleko lehen zenbakitik bosgarrenera doan tramura iritsi ahal izateko, Nafarroa etorbidetik sartu beharko dira ibilgailuak. Egokitzapen horrek dirauen artean Gelasio Aranburu kaleko aipaturiko zatia bi noranzkokoa izango da.
Esandakoak behar den bezala seinaleztatuta egongo dira larunbatean. Eragozpenengatik barkamena eskatu dute antolatzaileek.
