Larraitz Etxebeste eta Jon Urtizberea, Urkabeko zintzarria astintzen lehenak
Larunbatean egin zen V. Urkabera Igoera. 33 korrikalarik bukatu zuten Intxixu Trailek antolatutako lasterketa motz, baina oso gogorra.
Partaide guztiak, proba bukaerako talde argazkian. Larunbatean izan zen Urkabeko Igoeraren V. ekitaldia, Intxixu Trailek antolatua. 33 korrikalarik bukatu zuten 1,6 kilometroko proba, 190 metroko desnibel positiboa duena. Hau da, ibilbide guztia maldan gora da, latza. Oiartzungo Garagardo Azokarekin bat egin du aurten ere lasterketak, beraz, Urkabeko zintzarria jo ondoren, partaideek probaren bukaeran mokadutxoaz eta garagardo tragoskaz gozatzeko aukera izan zuten, alai asko.
Probari dagokionez, Larraitz Etxebeste oiartzuarra eta Jon Urtizberea irundarra izan ziren lehenak Urkabeko gainean zegoen zintzarria astintzen, hau da, emakumeen eta gizonen kategorietan haiek izan ziren garaile.
Jarraian, igoerako ohorezko postuen zerrenda. Sailkapen oso-osoa ikusteko klik egin esteka honetan.
Emakumeen ohorezko postuak
- Larraitz Etxebeste (Oiartzun) 11.21
- Eneritz Iraola (Bidania) 11.32
- Cecilia Moran (Errenteria-Orereta) 11.55
- Mertxe Casas (Errenteria-Orereta) 16.23
- Ane Berasarte (Lezo) 16.59
- Elisabet Lizaso (Oiartzun) 17.43
Gizonen ohorezko postuak
- Jon Urtizberea (Irun) 08.15
- Jokin Arretxea (Narbarte) 08.41
- Hodei Lujanbio (Goizueta-Oiartzun) 08.59
- Eneko Iparragirre (Oiartzun) 09.01
- Garikoitz Lopez (Oiartzun) 09.55
- Oier Ispizua (Ajangiz) 10.17
