Oihan Etxeberria eta Unax Landa, Gipuzkoako Txapeldun
Oiarpeko bikoteak 22-9 irabazi du Ezker Hormako Gazte Mailako Txapelketa. Madalensoron jokatu dute finala.
Oihan Etxeberria eta Unax Landa [kamiseta beltzarekin], txapela jantzita. Oiarpeko Oihan Etxeberria eta Unax Landak garaipen bikaina lortu dute asteburuan. Larunbat arratsaldean jokatu ziren Madalensoron Ezker Hormako Gipuzkoako Txapelketako finalak, senior eta gazte mailetakoak.
Gazteenen mailan aritu ziren oiartzuarrak. LAPKEko Izagirre eta Goibururi 22-9 irabazi zieten. Beraz, txapela bat gehiago gehituko da Oiarperen apaletan.
Beste finalean, LAPKEko Senar eta Garmendia nagusitu ziren, Behar Zanako urbietarren kontra. Hamar tantogatik irabazi zuten.
Oiarperen asteburuko kartelerari dagokionez, balantzea ez da positiboa izan. Txapela kontatu gabe, bost partida bakarrik irabazi zituzten, hamasei partidetatik.
Landa oiartzuarrak ostiral arratsean jokatu zuen Etorkizuneko Pilotariak txapelketako final laurdenetako partida, Zubizarreta ataundarrarekin batera. Ezin izan zuen fasea gainditu.
Emaitza guztiak ikusteko, egin klik esteka honetan.
