Bosgarren garaipena jarraian lortu dute OKEko neskek
Bolada ezinhobeak sailkapeneko bigarren posturaino eraman ditu neskak. Mutilek Zarautzen kontra berdindu dute, golik gabeko partidan.
Atzo egeurdian atera zuten hamaikakoa. Olatu bikaina harrapatu du Oiartzun Kirol Elkarteko nesken talde nagusiak. Atzo eguerdian Dux Logroño taldearen garaipen bikaina lortu zuen, Rebecaren hat-trick batekin.
Partida, hori bai, gaizki hasi zen oiartzuarrentzat. Bigarren minutuan aurreratu ziren errioxarrak, baina etxekoek aurtengo denboraldian gol aukerak sortzeko duten gaitasunak ez zuen hutsik egin. Atsedenaldirako 2-1eko emaitzarekin joan ziren.
Bigarren zatiaren hasieran norgehiagoka dezente berdindu zen, baina arrisku guztiak uxatuta, emaitza biribila lortu zuten oiartzuarrek (5-2). Garaipen horrek bigarren postura eraman ditu oiartzuarrak. Olatua ez da dadila lehorrera iritsi.
Mutilak, pattalago
Mutilen talde nagusiak, berriz, Zarautzen bisita jaso zuen larunbat arratsaldean. Lehenengo minutuetan beraien jokoa erakutsi zuten oiartzuarrek, baina azkeneko metrotan ez ziren fin ibili. Bigarren zatian, berriz, erritmoak behera egin zuen, eta partidak berun kolorea hartu zuen. Izan ere, Zarautzek bere atea defenditu besterik ez zuen egin.
Golik gabeko berdinketaren ondoren, OKEko mutilek koska bat atzera egin dute. Hala ere, goiko postuetan jarraitzen dute, hirugarrenean.
Emakumeen Lehen Nazional Maila
- Oiartzun — Dux Logroño: 5-2.
Gizonezkoen Ohorezko Erregional Maila
- Oiartzun — Zarautz: 0-0.
Emakumeen Euskal Liga
- Oiartzun B — Peña Athl. Santurtzi: 0-0.
Gizonen Gorengo Maila
- Sanpedrotarra — Oiartzun B: 4-2.
Emakumeen Gorengo Maila
- Hondarribia — Oiartzun C: 2-2.
Mutilen Gazte Mailako Nazional Maila
- Barakaldo— Oiartzun: 2-0.
Mutilen Gazte Mailako Gorengo Maila
- Oiartzun B — Beh0bia: 2-2.
Mutilen Gazte Mailako Lehen Maila
- Touring C — Oiartzun C: 1-0.
ARETO FUTBOLA
Gizonen Gipuzkoako Lehen Maila
- Oiartzun KE — Lazkao Gaur Logistika: 4-5.
Gizonen Gipuzkoako Bigarren Maila
- Eguzki Ventanas Isu Leihoak — Miren Taberna OKE: 1-7.
Oiartzun Kirol Elkartearen egunerokoa jarraitzeko, jarraitu beraien Facebook, Twitter edota Instagram kontuak.
