Herniora irteera egingo du Giriziak, eta Negu Festa ospatu
Datorren igandean egingo dute irteera. Hernio eta Zelatun mendiak egingo dituzte, eta ondoren abiapuntuan bazkalduko dute: Alkizan.
Herniora igoko dira igandean.
Girizia elkarteko mendi taldeak Negu Festa egingo du datorren igandean, hilak 27. Alkiza aldera abiatuko dira, handik Herniora igo, eta Zelatunetik pasatu ondoren, Alkizan bertan bukatzeko.
Lau ordu eta erdiko iraupena izango du ibilbideak, gosaria kontuan hartuta. Ondoren, Alkizako Herri Ostatuan bazkalduko dute.
Izena emateko txokolategitik pasatu beharko da, edo online bidez ere egin daiteke. Autobusaren eta bazkariaren prezioa 55 eurokoa da.
