Huntza eta Indabe taldeak Lekuonako oholtzara igoko dira
Gipuzkoan Gazte Tour programak aurten ere geldialditxoa egingo du Errenteria-Oreretan, bi kontzerturekin, abenduaren 17an.
Gipuzkoan Gazte Tour programak aurten ere geldialditxoa egingo du Errenteria-Oreretan. Laugarren ediziorako bi kontzertu antolatu dituzte herrian: Indabe talde donostiarra eta Huntza talde ezaguna igoko dira Lekuonako oholtzara, abenduaren 17an (larunbata da).
Kontzertu hauekin emango diote bukaera aurtengo programazioari, egitasmoak jasotako erantzunarekin “oso pozik” daudela nabarmendu du Gazteriako foru zuzendari Isaac Palenciak. Xabier Sanchez udaleko gazteria zinegotziak nabarmendu du “kalitatezko kontzertuak eskaintzea eta lurraldean dugun tokiko talentsua sustatzea” izan dutela helburu aurten ere.
Sarrerak dagoeneko eskura daitezke, hiru euroan, lotura honetan.
