EH Bildu: "Beste behin agerian geratu da Luzuriaga posible dela"
"Positibotzat" jo du koalizioak udalaren eta aldundiaren arteko salerosketa. Hori "EH Bilduk lortutako akordioari esker", dela zehaztu dute.
Bilkideek 6 milioi euroko funtsa lortu zuten Luzuriagan proiektu kulturala abiarazteko. 
Atzo jakinarazi zuten aldundiak udalari saldu ziola lehen aginte organoak Antxoko eraikinean duen partaidetza, eta horren gaineko balorazioa egin du tokiko EH Bilduk, iritzita zerikusi funtsezkoa duela alderdi horrek ere lortutako azken akordioan. Izan ere, ordainketa hori EH Bilduk Madrilen akordaturiko 6 milioiekin egingo baita.
“Aurrerapauso positibotzat” jo du Pasaiako indar nagusiak salerosketa, eta baita, horrekin, “alkatea bere ezetzaren lubakitik mugitu izana”. Iraitz Pazos eleduna “pozik eta harro” agertu da Luzuriaga antxotarrena izan dadin egiten ari den bideagatik: “Beste behin ere agerian geratu da Luzuriaga posible zela eta posible dela, eta hori egia izango da EH Bilduk Madrilen lortutako akordioari eta funtsari esker”.
