[Asteburuko kirol emaitzekin] Donipari, ligako buru eta koparen bila
Euskal Ligan jokaturiko 11 partidetatik bakarra galdu dute arrosek; gainontzeko guztiak, aldearekin gainera, irabazi dituzte. Kategoriako buru dira, eta Euskal Kopako final-laurdenetara sailkatu dira.
Donipari taldeko jokalari eta zaleak. 
Areto futbolak sekula baino erakarmen handigoa du, garaiotan, Pasaian. Antxo AFk inoiz baino talde gehiago ditu, (lau) honako kategoria hauetan: Estatuko Bigarren B Maila, Gipuzkoako Bigarren Maila, Gipuzkoako Hirugarren Maila eta Gazteen Maila.
Horiek ez dira ari, zoritxarrez, esperotako bolada onean. Joan den denboraldian langa altuegi geratu zen, akaso, orduan lehian ari ziren biek ala biek (orain Estatuko Bigarren B Mailan eta Gipuzkoako Bigarren Mailan daudenek) igotzea lortu baitzuten, eta hurrengo sasoirako sekula baino gehiago hazi baitzen kluba, gaur zelaietan ari diren beste bi taldeak sortuz.
Donipari, etenik gabe gora
Lehiaren gailurrean daudenak sanjuandarrak dira. Euskal Kopako jardunaldi guztiak irabazi dituzte, aldearekin, gainera, (kopako azken norgehiagoka final zortzirenak izan zituzten jokoan, Goierriren kontra, eta 7-4 irabazi zuten etxekoek), eta horretxegatik, hain zuzen, final-laurdenetara sailkatu dira jada.
Ligan, gaur arteko 11 partidetatik bakarra galdu dute; beste guztiak, irabazi. Azken aurrena, liderrari (Beti Araba) buruzagitza lapurtzeko, eta azkena, joan den asteartean Santurtziren kontra (8-0).
Gauzak horrela, Euskal Ligako ezbairik gabeko buru da Donipari gaur-gaurkoz, 30 punturekin, Usansolo eta Beti Arabari, hurrenez hurren, puntu bateko abantaila atereaz.
Jarraian, areto futbolekoenak ez ezik, Pasaiako futbol eta eskubaloi taldeen asteburuko lehien emaitzak:
FUTBOLA
Estatuko Gizonen Hirugarren Maila
- Aurrera – Pasaia. 1-1.
Gipuzkoako Gizonen Gorengo Maila
- Atseden izan du Sanpedrotarrak.
Gizonen Lehen Erregionala
- Sanpedrotarra – Vasconia. 0-1.
- Orereta Kafea – Trintxerpe. 2-3.
- Astigarragako Mundarro – Pasaia B. 1-2.
Gizon Gazteen Ohorezko Maila
- Pasaia – Añorga. 0-3.
- Ostadar – Sanpedrotarra. 1-2.
Gizonen Gazteen Gorengo Maila
- Trintxerpe – Behobia. 2-3.
Gizonen Gazteen Lehen Maila
- Atsedena izan du Trintxerpek.
ARETO FUTBOLA
Gizonen Estatuko Bigarren B Maila
- Ribera de Navarra – Antxo. 3-2.
Gizonen Euskal Liga
- [Asteartean lehiatu zuen Doniparik asteburuko jardunaldia] Donipari – Santurtzi: 8- 0.
Gizonen Gipuzkoako Bigarren Maila
- Atsedena izan du Antxok.
Gizonen Gipuzkoako Hirugarren Maila
- Atsedena izan du Antxok.
Gizonen Gazte Maila
- Atsedena izan du Antxok.
ESKUBALOIA
Gizonen Gipuzkoako Bigarren Maila
- Atsedena izan du Donibane Bonantzak.
- Atsedena izan du Donibane Kalaburtzak.
Gizonen Gipuzkoako Gazte Maila
- Donibane – Hernani. 20-24.
