Pasaiako Gabonetako Haur Jaiak badu egitaraua
Eguberriak ospatzeko jarduera eta emanaldiak barrutiz barruti eskainiko ditu udalak hilaren 26tik 28ra bitarte.
4 urtetik gorakoentzako eskaintza prestatu du udalak Eguberriak ospatzeko. 
Pasaiako Udaleko Haur, Nerabe eta Gazteen Sustapen Sailak 29. urtez jarraian —2020ko ekitaldia salbu— antolatu du Gabonetako Haur Jaia Pasaiako barruti guztietan. Hilaren 26tik (azken astelehena) 28ra bitarte (asteazkena) izango da eskaintza. Horra hor:
- Hilak 26, astelehena
- Jolasak eta tailerrak barruti guztietan*.
- 17:45. Trintxerpen, Karmengo Ama Eskolako Gimnasioan, Zirika Zirkusen emanaldia, 17:45ean Hemendikara ikuskizunarekin.
- 18:00. Donibanen, Erre produkzioak taldeak Piratak ikuskizuna eskainiko du, Juanba Berasategin. 4 urtetik gorako haurrak bakarrik sartu ahal izango dira, eta lekurik badago, haien familiak.
- 18:00. Antxoko Kultur Etxean, Tor Magoak Hator magiara ikuskizuna eskainiko du.
- 18:00. San Pedron, Marsel magoa izango da, Magia potagiak ikuskizunarekin.
- Hilak 27, asteartea
- Hainbat adinetara egokitutako jolasak eta tailerrak barrutiz barruti, eta merienda.
- Hilak 28, asteazkena
- Jolasak eta tailerrak barruti guztietan*.
- 17:45.Trintxerpen, Tomaxen abenturak pailazoek emango diote bukaera jaiari Bi ipuin ikuskizunarekin.
- 18:00. San Pedron, Elvi ventri-locoren Aho zabalik emanaldia.
- 18:00. Antxon, Potxin eta Patxin pailazoak, Baserrian ikuskizunarekin.
- 18:00. Donibanen, Trokolo pailazoek Burutik jota ikuskizunarekin bukatuko dute festa Juanba Berasategi auditorioan.
*Jarduerak 16:00etatik 19:00etara zango dira areto hauetan: Antxoko Pasaia-Lezo Lizeoa ikastetxean eta Kultur Etxean, Trintxerpeko Karmengo Ama Eskolan, Donibaneko udal ludotekan eta Juanba Berasategi auditorioan, eta San Pedroko udal ludotekan eta Udal Aretoan. Bai jarduerak eta bai ikuskizunak doakoak izango dira, Pasaiako 4 urtetik aurrerako haur guztintzat.
