Antiespezismoa eta feminismoaren arteko loturak aztertuko dituzte
AIA taldeak antolatutako hitzaldi zikloaren hirugarrena egingo dute. Laura Fernandez espezismoa, feminismoa eta besteren arteko harremanez arituko da.
Laura Fernandez Aguilar ekintzaile transfeminista eta espezista izango da hizlaria. Aska Itzank Animaliyak (AIA) taldearen hitzaldi zikloaren hirugarren eta azkeneko hitzaldia datorren ostiralean —hilak 16— egingo dute. 19:00etan izango da, pleno aretoan.
Laura Fernandez Aguilera ikertzaile eta ekintzaile antiespezista, antilodifoboa eta transfeminista gonbidatu dute. Animalien erabilera eta… du izena zikloak, eta kasu honetan feminismoak abizena erantsi diote hitzaldiaren izenburuari.
Hainbat galderari erantzuten saiatuko da Fernandez. Adibidez, espezismoak eta matxismoak zein lodifobiak komunean zer duten, edo zein ahots iruditzen diren zilegi direla eta zeintzuk ez, besteak beste. Gainera, bizitzeko modu “zainduago eta bidezkoagoak” posible ote diren jarriko du ekintzaileak mahai gainean.
Ostiraleko hitzaldiaren bitartez, AIAk feminismoen eta animalien askapenaren arteko elkarrizketan urrats bat egin nahi dute. Horrela, bertara hurbiltzen direnei gonbita egingo diete horri eta beste hainbat gairi buruz hausnartzera.
Hitzaldia gazteleraz izango da.
