"Herritik mugitu gabe herritarrei aisialdiaz gozatzeko", hamaika ekitaldi eta ekintza
Eguberriak behar bezala ospatzeko adin tarte guztientzako ekintza eta ekitaldiak antolatu dituzte urtarrilaren 7ra bitarte: musika, dantza, antzerkia, tailerrak...
Aurreko urteetan bezalaxe, aurten ere Kultur Malutak izeneko kultur programa antolatu du udalak, urtarrilaren 7ra bitarte luzatuko dute. “Herritik mugitu gabe herritarrei aisialdiaz gozatzeko” aukera eman nahi diete aurten ere, eta horretarako, egitarau oparoa prestatu dute.
Adin tarte guztientzako ekintza eta ekitaldiak antolatu dituzte urtarrilaren 7ra bitarte: musika, dantza, antzerkia, tailerrak…
Programa honen barruan jasotako ekintza guztien berri emateko leiho digital bat sortu dute. Bertan, informazioaz gainera, izen emateak egin daitezke. Gainera, Olentzerok, Mari Domingik eta Errege Magoek txoko bat izango dute bertan. Azken urteetako arrakasta ikusita, haurrei zuzendutako mezu pertsonalizatua eskatu ahal izango da aurten ere. “Haurrek ilusio handiz jaso izan dituzte gutun hauek baita herriko mugak gainditu ere”, esan dute udaleko iturriek.
Programaziotik harago, udalak, “herriko ekonomia suspertze aldera”, kaleak musikarekin girotzeko eta argiztatzeko apustua egin du beste urte batez. Beraun, Iztieta eta erdiguneko kaleetan jarri dituzte argiak.
Azkenik, udalak jakinarazi du hilaren 22tik aurrera Olentzero eta Mari Domingi ikusteko aukera izango dela udaletxean jarriko duten karriloiari esker.
Eguberriekin lotutako egitarau osoa, hemen kontsulta daiteke.
