OKEk Neguko Kanpusa egingo du oporraldian
8 eta 14 urte bitarteko haur eta gaztetxoei zuzenduta dago Koldo Fernandez Kanpusa. Izena emateko azkeneko eguna hilaren 23a izango da.
8 eta 14 urte arteko neska-mutilei zuzenduta dago kanpusa. Oiartzun Kirol Elkarteak Koldo Fernandez Neguko Kanpusa antolatu du aurtengo azken asterako eta 2023ko lehenengorako. 8 eta 14 urte arteko neska-mutilei zuzendutakoa da.
Lehendabiziko astea hilaren 26tik 30era izango da, eta bigarrena, berriz, urtarrilaren 2tik 5era. Egun bakoitzean hiruna orduko saioak egingo dituzte, 10:00etatik 13:00etara. Hiru talde antolatu dituzte: benjaminak (8-10 urte), kimuak (10-12 urte) eta jubenilak (12-14 urte).
Izena emateko azkeneko eguna hilaren 23a izango da. E-posta bidez egin daiteke, edo 622 61 69 11 / 609 50 21 89 telefono zenbakietara deituz. Online izena emateko aukera eman du OKEk; galdetegi hau bete beharko da horretarako.
Prezioari dagokionez, lehenengo asteak 100 euro balio ditu, eta, bigarrenak, 90. Bietara joan nahi izanez gero, 170 euro ordaindu beharko dira.
Kamiseta eta motxila bana jasoko dute opari.
