Zinema Ttikian, 'Tom eta Jerry' eta 'Tipularen sehaska kanta'
Larunbatean, Gezala Auditoriumak Lezoko Zinema Ttikiaren saio bikoitza jasoko du. Animazio filma eta dokumentala dira proposamenak.
'Tipularen sehaska kanta'-ren fotograma. Larunbatean, hilak 17, Lezoko Zinema Ttikiaren urteko azken saioa jasoko du Gezala Auditoriumak. Ohikoa den moduan, saio bikoitza izango da.
Lehenik, haurren txanda. Tom eta Jerry animazio filmarekin goxo izango dira herriko haurrak Gezalan. 16:30ean hasiko da haientzat prestaturiko saioa.
Ondoren, helduentzako ikus-entzunezkoa: Lander Garro oreretarrak zuzendutako Tipularen sehaska kanta dokumentala proiektatuko dute, 19:00etan hasita. Gaixorik eta espetxean dauden pertsonek, egoera horri nola aurre egiten dioten azaltzen du film-dokumentalak. “Diskurtso politikotik harago doan hizkuntza erabiltzen du Garrok, osasunerako eskubiderik ez duten presoen indefentsioa emozioen ikuspegitik esploratuz, artefakto zinematografiko baten bidez”, azaldu dute Sareko kideek, lanaz egindako sinopsian. Jarraian, sormen lanaren aurrerapen bideoa.
