Abaraxkak neguko oporraldiko eskaintzaren berri eman du
Udal ludotekak eguberritako egitaraua zein den jakinarazi du. Zortzi egunez askotariko eskaintzarekin gozatzeko aukera egongo da.
Ludotekan bertan egiten diren jarduerez gain, herriko txoko batzuetara aterako dira, iaz bezala (irudian). Abaraxka udal ludotekak neguko oporraldian ez aspertzeko egitaraua prestatu eta eskainiko du. 6 eta 12 urte arteko haurrei zuzenduta egongo dira ekitaldiak. Ekitaldi irekiak izango dira, eta, ohi bezala, alde ludikoa eta pedagogikoa uztartuko dituzte.
Jarduera guztiak ludotekan izango dira, edo bertatik hasiko dira, bat izan ezik. Egitarauaren berri eman dute, eta aurrerago emango dituzte horiei buruzko xehetasunak, beraien blogean.
Egitaraua
- Hilak 26, astelehena: Neguko kantak ikasten, Abaraxkan, 16:30ean.
- Hilak 27, asteartea: Luberrira bisita, Abaraxkan, 10:30ean.
- Hilak 28, asteazkena: Herriko ondarea ezagutzen, Arizmendienean, 16:30ean.
- Hilak 29, osteguna: Neguko kantekin herria girotzen, Abaraxkan, 10:30ean.
- Hilak 30, ostirala: Abaraxkako egutegi/agenda sortzen, Abaraxkan, 16:30ean.
- Urtarrilak 2, astelehena: Zirkuitu jolasak, Abaraxkan, 16:30ean.
- Urtarrilak 3, asteartea: Gurutzeko bidegorria ezagutzen, Abaraxkan, 10:30ean.
- Urtarrilak 4, asteazkena: Brailera ikasten, Abaraxkan, 16:30ean.
