Urteko azkeneko plenoak 11 puntu izango ditu
Datorren urtean kultura ekitaldiak egiteko diru-laguntzak banatzeko oinarriak finkatuko dituzte. Gainera, Oinherriko kide izatea aztertuko dute.
Oiartzungo korporazioa azkeneko aldiz bilduko da plenoan, ezohiko egun batean: asteartean. Hilaren 20koa abenduari dagokion udalbatzarra izango da; 18:00etan hasiko da.
Moziorik gabeko udalbatzarra izango da, eta udalaren barne funtzionamenduarekin lotura duen gai potolorik izango. Hala ere, badira beste interesgune batzuk. Adibidez, Oiartzun Oinherri sarean batzea aztertuko duen puntua, edo datorren urteko kultura ekitaldiak antolatzeko diru-laguntzak ezartzeko oinarrien bozketa.
Horrez gain, lehen sektoreari eman beharreko aurtengo diru-laguntzen ordainketa ere izango dute mahai gainean.
Gai-zerrenda
- Aurreko batzarrari dagokion aktaren onarpena.
- Udal Ondasunen inbentarioan 2022 urtean emandako aldaketen eguneraketa onartzea.
- Oiartzungo Udala Oinherri Herri Hezitzaileak sustatzeko Elkartearen bazkide izatea onartzea.
- Oiartzungo Udal Ikastola Partzuergoaren estatutuen aldaketa onartzea.
- Altzibar auzoko ALT-2B, Matxillendane, eremuari dagokion Xehetasun Azterketaren behin betiko onarpena.
- Kirol instalazioen kudeaketa kontratuan 2022/07/01etik 2022/09/30rako epeko (igerileku irekien kasuan 06/01etik 09/30era) prezioak berrikustea eta oreka ekonomikoa berrezartzea.
- Oiartzungo lehenengo sektoreko proiektuak sustatzeko 2022. urteko diru-laguntzen banaketa eta ordainketa onartzea.
- 2023an Oiartzunen aurreikusitako kultur ekitaldiak antolatzeko diru laguntzak banatzeko oinarriak onartzea.
- Beste ekitaldietako ordainagiriak baliogabetzea.
- Beste organoen jardueraren jarraipena.
- Eskari-galderak.
