Beste 15 urtez kontratua luzatzea eskatu dute Arramendiko bizilagunek
Negoziazio mahaia urtarrilaren 16an egingo da berriro, Errenteriako alkatearen ordezkaritzarekin. Jauregizarrek ordura arte dauka erosketak egingo dituen ala ez erabakitzeko.
Arramendiko etxebizitzen atarian elkartu dira gaur goizean kontratu babestuak beste hamar urtez sinatzeko aukera eskain dezan Lurralde Plangintza, Etxebizitza eta Garraio Sailak, etxebizitza bakoitzeko 15.000 euroko diru laguntza banatzeko asmoarekin.
Bertan, bizilagunez gain, Kateratzeak Stop plataformako Rosa Garcia, Benta Berriko kide bat eta Itziar Ostolaza alkateordea ere izan dira beste hainbat udal zinegotziekin, Iñaki Queralt EH Bildukoa, Xabier Sanchez, Jose Manuel Ferradas eta Maite Gartzia Elkarrekin-Podemosekoak, eta Isaac Palencia eta Joseba Etxarte PSE-EEkoak.
Maiatzean izan zen bizilagunen azken agerraldia Zumardian. Arramendi pasealekuko babes ofizialetako etxebizitzak erosiko ez dituzten maizterrei maiatzaren 31 bitarteko epea eman zielako Jauregizar S.L enpresak etxeak uzteko, kontratuak amaitu zirelako.
Orduan, borondatez ez zutela giltza emango adierazi zuten erosteko aukerarik ez duten 15 etxebizitzetako bizilagunek. Beste 20k erosteko borondatea dute eta dagoeneko 5 etxebizitza hutsik dira. Erosteko ahalmena ez duten bizilagunek ezin dutela alokairu pribatu bat ordaindu ere ez azaldu du Garciak.
Ekainean etxebizitza ez bazuen erosten joan egin beharko zuela mehatxatzeko dei egin ziotela Donostiako erakunderen batetik adierazi du Maria Angeles Pedrosa bizilagunak eta ordutik ez duela auziaren gaineko berririk izan salatu du bizilagunak. Baina duela bi aste Eusko Jaurlaritzatik hots egin ziotela zenbatek erosiko zuten etxea konfirmatzeko azaldu du.
Kontratua sinatu zuenean abisatu izan bazioten etxebizitza salgai jartzeko aukera bazegoela, aurrea hartuko ziola egoerari beste baldintza batzuetan egoteko gertatutakoan salatu du Pedrosak. Dena den, urtarrilean jakingo dute bizilagunek ea Jauregizarrek etxebizitzak erosiko dituen eta zenbat.
Pedrosak bere etxebizitza erosteko nahia dauka baina bere adina eta daukan nominagatik ezin duela mailegu bat eskatu dio. Bizilagun guztiek zortzi hilabete hauetan bizitzen ari diren ziurgabetasunarekin bukatzea nahi dute eta datorren urtean beraien etxeetan segitu. Errentatzailearen babesa jaso dute ez duelako kaleratzerik aginduko baieztatu baitie Kaleratzeak Stopen arabera.
Urtarrilaren 16an, bilera
Errenteriko Udalak, Jauregizar enpresak eta Eusko Jaurlaritzak bilera bat izango dutela datorren urtarrilaren 16an jakinarazi du Iñaki Queralt EH Bilduko zinegotziak. Negoziazioa jarraitzea litzateke, Aizpea Otaegi Errenteria-Oreretako alkatearen ordezkaritzarekin.
Data hori arte dauka Jauregizarrek erabakitzeko etxebizitzak erosiko dituen ala ez, eta bitartean, denborarekin eta bizilagunen desesperazioarekin jolasten ari direla salatu du Queraltek.
