Antxo ardatz, datorren osteguneko udalbatzarrean
Plenoan eztabaidagai izango diren puntuen artean daude Luzuriagaren salerosketa eta topoaren lanen jarraipenerako batzordearen sorrera.
Udalbatzar baten artxiboko irudia. 
Ezohiko udalbatzarra deitu dute datorren ostegunerako, 08:00etatik aurrera. Bederatzi puntu izango ditu guztira plenoak, eta zati nagusia antxotarrengan zuzeneko eragina duten bi gaik hartuko dute: Luzuriagak eta topoa lurperatzeko obrek.
Lehenari dagokionez, Luzuriagaren salerosketa bozkatuko dute ostegunean Pasaiako hamazazpi zinegotziek. Horren segidan, topoko obren jarraipena egiteko “batzorde informatibo berezia” sortzeari buruz arituko dira politikariak.
Jarraian zerrendatuko diren beste puntuen artean topa daitezke, halaber, Udal Euskaltegietako eta Pasaia Musikaleko langileen soldaten igoera edota plantilla horiek berrantolatzeko proposamena.
Gai zerrenda
1.- Aurreko bilkurako 10. akta, 2022-11- 29koa, irakurri eta onartzea.
2.- Xedapen ofizialak eta Alkatetzaren eta zinegotzi ordezkarien ebazpenen berri ematea (2022/2293 zenbakitik 2022/2389 zenbakira) eta Tokiko Gobernu Batzarreko akordioen berri ematea (2022/37 zenbakitik 2022/39 zenbakira).
OGASUNA
3.- Kreditu aldaketen berri ematea.
ONDAREA, KONTRATAZIOA ETA ZERBITZU JURIDIKOAK
4.- Donostiako 1. zenbakiko Jabetza Erregistroko 12.051, 12.059 eta 12.061 zenbakietako erregistro-finken eta Donostiako 5. zenbakiko Jabetza Erregistroko 1.041 zenbakiko finkaren (Luzuriagako bulegoak) salerosketa eginez, kostubidezko zuzeneko erosketa onartzea.
5.- Topoko obren jarraipena egiteko batzorde informatibo berezia sortzea.
PERTSONALA ETA ANTOLAKUNTZA
6.- Pasaiako Udalaren eta Gipuzkoako Foru Aldundiaren artean kudeaketa- gomendioa formalizatzeko hitzarmena sinatzeari buruzko ebazpenaren berri ematea.
7.- Udal Euskaltegi zein Pasaia Musikal erakunde autonomoen %1,5eko soldata igoeraren erregularizazioa.
8.- 2023ko Pasaiako Udaleko eta Udal Euskaltegi zein Pasaia Musikal erakunde autonomoen plantilla organikoaren eta Lanpostuen Zerrendaren hasierako onarpena.
9.- Galde-eskeak.
