[Galeria] Negutik gutxi duen solstizioa ospatzen ari dira
Gamon Zumardian eta inguruetan giro ederra egiten ari da, tanta batzuk bota arren. Lurrak emandakoarekin gozatzeko aukera izan da.
Zumardira postuak bueltatu dira. Neguko solstizioa da gaur. Edo erlijio baten egutegiari jarraituta, San Tomas Eguna. Egun handia da Errenteria-Oreretan, eta asteazkena izan arren, egun handia izaten ari da.
Duela 365 eguneko ospakizuna mugekin ospatu zen, hala nola, baina gaurkoan langa guztiak altxatu direla, terrazen gotorlekua izan zena alde batera utzita. Gaur askeago ibili dira herritarrak postuz postu eta txosnaz txosna, bi urtez ez baita haiekin gozatzeko aukerarik egon.
Aro berriari, izendapen berria. Aurten Neguko Solstizioa-San Tomas Eguna festa ospatu da, baina festarako gogoak ez du aparteko aldaketarik izan.
Arratsalderako hainbat ekitaldi prestatu dituzte antolatzaileek: herri kirolak, dantza jauziak, txarangak, zozketa… Egitaraua hemen ikus daiteke.
Neguko Solstizioa da gaur, baina tenperaturari erreparatuta ez dirudi. Ea arratsean berdin jarraitzen duen, festa giroa sustatzeko.
