"Mugi txartelean %50eko hobaria aplikatzen jarraituko da udalaren botoari esker"
Gipuzkoako Garraio Agintaritzak bilera egin du, %50eko hobaria izaten jarraitzea aztertzeko. Oiartzungo Udalak aldeko botoa eman zuen.
Mugi txartealean hobariak datorren urtean jarraituko du. Gipuzkoako Garraio Agintaritza asteartean bildu zen. Gai-zerrendan, besteak beste, Mugi txartelean %50eko hobaria egiten jarraitu ala ez bozkatu zuten, eta 2023an hala izango dela erabaki zuten.
Oiartzungo Udalak aldeko botoa eman zuen. Jexux Leonet alkateak testuinguruan jarri zuen emandako botoa: “Bizi dugun krisi ekonomiko eta ekologikoaren testuinguruan, erakunde publikoek garraio publikoaren erabilera sustatzen jarraitu behar dute”. Gaineratu zuenez, Oiartzungo Udalak “hasieratik” egin du hobari horren alde.
Oiartzungo Udalarentzat “estrategikoa” da eredugarri energetiko “jasangarri” baten alde egitea. Horretarako, garraio publikoa bultzatzea “ezinbestekoa” dela uste dute. “Gure bozkari esker, herri barruko garraio publikoan ez ezik, 2023 urte osoan zehar Mugi txartelarekin egindako bidaietan %50eko beherapena mantenduko da”.
