Lanbide prestakuntzarako doako ikastaroak, Oarsoaldean
Bost ikastaro prestatu ditu Oarsoaldea Garapen Agentziak. Otsailean hasiko dira, eta langabeen enpleguan eta lanbide kualifikazioan eragin nahi dute.
Oarsoaldea Garapen Agentziak lan arloko bost ataletan lanbide kualifikazioa hobetzeko ikastaroak antolatu ditu urte hasierarako. Otsailean hasiko dira, eta doan dira. Langabeen enpleguan eragin nahi dute formaziorako bost ikastaro horiekin.
Horietan izena emateko bi bide ezarri ditu eskualdeko garapen agentziak. Batetik Oarsoaldeko Enplegu Bulegora posta elektroniko mezua bidal daiteke, eta bestetik, 943 51 02 00 telefono zenbakira deituta ere egingo diete harrera interesdunei.
Honakoak dira bost ikastaro horiek.
- 1. Ingurumen kudeaketa, 420 orduko ikastaroa eta 80 orduko praktikak enpresan. Oiartzunen izango da, 09:00etatik 14:00etara.
- 2. Txirbil-harroketa bidezko mekanizazioa, 540 orduko ikastaroa eta 80 orduko praktikak enpresan. Pasaian izango da, 15:00etatik 20:00etara.
- 3. Industria-ekipoen mantentze eta muntaketa mekanikoa, 510 orduko ikastaroa eta 80 orduko praktikak enpresan. Pasaian izango da, 15:00etatik 20:00etara.
- 4. Elektrodo gaineztatua eta tig bidezko soldadura, 640 ikastaroa eta 80 orduko praktikak enpresan. Pasaian izango da, 15:00etatik 20:00etara.
- 5. Fabrikazio mekanikoko laguntza-eragiketak, 400 orduko ikastaroa eta 80 orduko praktikak enpresan. Errenteria-Oreretan izango da, arratsaldeko 15:00etatik 20:00etara.
