Dozenaka eta dozenaka haurrek parte hartu zuten, 2022ko azken egunean, Lezoko Haurren VI. San Silbestre lasterketan.
Haurren VI. San Silbestrea egin zuten 2022ko azken egunean, goizez, Lezon. Urtea gogoz bukatu zuten herriko kirolari gaztetxoek, lasterka. Dozenaka eta dozenaka izan ziren parte hartzaileak: antolatzaileek HITZAri esandakoaren arabera 157 osotara. Giro ederra sortu zen Gurutze Santuaren plazan, eta zirkuituaren inguruan.
Antolatzaileek eskerrak eman dizkiete lasterketa sorta egiten laguntza eman dieten denei. “Eskerrak eman nahi dizkiegu Jabi Pascuali, Kike Clavori, Jabi Iñigezi, Ainara Olarrari, Belarrak motorzaleei, Nora eta Julen Hernandezi, Betizutik Elkarteari, Aiton Bordari, Insaluseri eta Julen Conderi. Batzuei bere laguntza presentzialagatik, eta beste batzuei bere ekarpenengatik. Mila esker guztiei pasa dugun goizagatik”.
Jarraian, San Silbestrearen antolatzaileek HITZAri emandako argazki sorta.
