"Anbizio gehiagoko" erakusleiho digitala nahi du PSE-EEk
Udalak aurkeztutako proposamena PSE-EEren 2019ko udal hauteskundeetako programan sartu zutela gogorarazi nahi izan dute sozialistek, eta ordutik alkateak uko egin diela egindako proposamen guztiei.
Palencia eta Ruiz, gaurko agerraldian. Erakusleiho digitala sortzeko udalak abiatutako egitasmoaz aritu da PSE-EE taldea, gogor jo dute alkatearen eta gobernu taldearen kontra. Hedabideei bidalitako ohar batean esan dute egitasmo hori sozialistak buru diren hainbat udaletxetan egin dutela, tartean, Donostia, Eibar edo Irun bezalako hirietan. “Asebete jaso dugu sozialistek egindako proposamen hori egitea, baina penatzen gaitu martxan jartzeko galdutako denbora guztiak”, esan du Isaac Palencia ordezkariak. Hala, “anbizio gehiagoko proposamenak” beharrezkoak direla uste du taldeak.
Erakusleiho digitalaren proposamena PSE-EEren 2019ko udal hauteskundeetako programan sartu zutela gogorarazi nahi izan du Palenciak, eta ordutik alkateak uko egin diela egindako proposamen guztiei. “Alkateak ez ditu proposamenak aintzakotzat hartu, baina handik urte batzuetara abiatu dituzte, gobernu taldearen ideia balitz bezala. Herrira hainbat urteko atzerapenarekin heldu da programa”, erantsi du.
Azkenik, nabarmendu du Errenteria-Orereta Gipuzkoako hirugarren udalerria dela, eta “ekonomiari dagozkion politika anbiziotsuak egiteko gai den udaletxe bat merezi” dutela herritarrek. EH Bilduri eta alkateari “norabiderik gabe, ideiarik gabe, proiekturik gabe eta anbiziorik gabe” aritzea leporatu diote. “Sozialistek Errenteria bizia, dinamikoa, modernoa merezi dute, etorkizunari indarrez eta ilusioz begiratuko diona”.
