[Galeria] Urteko lehen manifestazioa egin dute herriko pentsiodunek
Pentsiodun ahulenak abenduaren 27ko 20/2022 Errege Lege Dekretutik kanpo geratzen direla salatu du Duintasunak urteko lehen mobilizazioan, eta horiek ere neurri horretan sar ditzatela exijitu dute.
Urte berria borrokan hasi dute herriko pentsiodunek, dozenaka lagun batu dira Duintasuna elkarteak deitutako manifestaziora. Besteak beste, salatu dute pentsiodun ahulenak abenduaren 27ko 20/2022 Errege Lege Dekrretutik kanpo geratzen direla, eta horiek ere neurri horretan sar ditzatela exijitu dute. Izan ere, salatu dute araudi horrek argi eta garbi ezartzen duela pentsio kontributiboak eta ez kontributiboak dituzten pentsiodunek ezin izango dutela 200 euroko txekea eskatu. Emakume pentsiodunek hilean kopuru txikiagoak kobratzen dituztela ere salatu nahi izan dute.
Krisiaren kontrako dekretu honetan eskatzen diren errenta mailako baldintzak betetzen dituzten pentsiodunak neurri horretan sar daitezela exijitu dute, “neurri batean arindu baitezake prekarietate egoera”.
2011ko, 2013ko eta 2021eko pentsio erreformen murrizketak iraultzea, pentsio publikoen erosteko ahalmena berreskuratzea, urte bukaerako konpentsazio ordainsaria berrezartzea eta gutxieneko pentsioa batez besteko soldataren %60an kokatzea aldarrikatzeko ere probestu dute gaurko mobilizazioa.
