Arizmendienea eta parrokia bisitatzea, larunbaterako plana
Oiartzungo bi eraikin horiek bisitatzeko ibilbide gidatu bana egingo dituzte larunbatero. Turismo bulegoan egin behar da erreserba.
Arizmendieneari buruzko informazioa ematen du Elena Zalakainek. Bada denbora bat Oiartzungo herriguneko ondarea ezagutzeko bisita gidatuak antolatzen dituztela. Arizmendienea eta Done Eztebe parrokiaren txokoei buruzko azalpenak ematen ari dira Elena Zalakain eta Joxe Mari Mitxelena, hurrenez hurren.
Orain larunbat goizero bisitaldiak eskainiko dituzte, bakoitza bere aldetik. Parrokia ezagutzeko tour-a 10:00etan hasiko da, eta Arizmendienearen berri izatekoa, berriz, 12:00etan.
Bi kasuetan, aldez aurretik jarri beharko da harremanetan Oarsoaldeko Turismo Bulegoarekin. Telefonoz izan daiteke, 943 49 45 21 zenbakira deituta, edo e-posta bidez idatzita. Bisitaldiak doan dira.
