Ariketa fisikoa egiteko gailu berriak jarri dituzte Arraguan
Lartzabal etxadiko haur parkearen ondoan eta Larrezabaletako parkean jarri dituzte gailu bio-osasungarri berriak.
Arraguan jarri duten sei gailuetako hiru.
Ariketa fisikoa egiteko makina berriak jarri ditu Oiartzungo Udalak Lartzabal etxadiko haur parkearen ondoan eta Larrezabaletako parkean.
Udal erakundeak jakinarazi duenez, gailu bio-osasungarri horiek “erabilera handia” dute adineko pertsonen artean. Arraguako bi txokoetan jarrai dituzten zirkuitu berri horiekin pertsona helduak ere “aktibo eta osasuntsu” mantentzen lagundu nahi da.
Sei makina jarri ditu Oiartzungo Udalak, hiru toki bakoitzean, eta 7.100 euroko kostua izan du instalazio guztiak. Auzotarrekin egindako bileran jasotako eskaeretako bat izan zen zirkuitu osasuntsuarena.
