Karlos Saldise omenduko dute gaur Lezon
20:00etan hasiko den karteladaren ondoren egingo diote omenaldia 1980an indar parapolizial faxistek hildakoari.
Karlos Saldiseri omenaldia egingo diote gaur, 20:00etan hasiko den karteladaren ondoren. Haren izena daraman plazan bertan egingo diote aitortza 1980an indar parapolizial faxistek hildakoari.
Etxeko atarian hil zuten Saldise, Aralar kalean. Gau hotza zen eta jertse baten bila abiatu zen etxera. Bi bala zulo buruan, zerraldo utzi zuten Karlos Saldise Korta 1980ko urtarrilaren 16an, ezkaratzean. Hilketa bi talde parapolizialek hartu zuten bere gain, Batallon Vasco Españolek eta Grupos Armados Españoles GAEk hain zuzen ere, baina hiru hilabetera, ikerketa ofizialik egin gabe artxibatu zuten auzia.
Erlazionatutako edukia“Bizi balitz, gaur Karlos gure ondoan izango zen, egungo borroketan buru-belarri”Utzi zuen arrastoari aitortza
