Hodei Lujanbio eta Amagoia Iribar, azkarrenak Joanes Etxera-n
Goizuetarra eta oriotarra izan dira herriko lasterkari talde batek eta Sarek antolatutako lasterketan. Euria, nahi ez zen gonbidatua.
2012an antolatzen hasi ziren lasterketak segida izan zuen atzo. Herriko lasterkari talde batek eta Sarek antolatzen dute Joanes Etxera lasterketa, eta atzokoan 121 korrikalarik hartu zuten parte.
Euriak goiza pixka bat desitxuratu bazuen ere, ez zuen giroa zapuztu.
Azkarrenak Hodei Lujanbio Apezetxea Oiartzunen bizi den goizuetarra eta Amagoia Iribar Manzisidor oriotarra izan ziren. Oiartzuarrik azkarrenak, berriz, Gari Lopez (laugarren izan zen) eta Haizea Destribats izan ziren.
Helduen lasterketaren aurretik haurrena egin zuten.
Honakoak izan ziren podiumen osaketa:
Gizonak
- Hodei Lujanbio Apezetxea. 0:22:59.
- Victor Madejon Sanchez. 0:23:08.
- Sergio Ramirez Aprea. 0:23:10.
Emakumeak
- Amagoia Iribar Manzisidor. 0:28:27.
- Izaskun Arriaga Armentia. 0:28:58.
- Haizea Destribats Yañez. 0:29:53.
Sailkapen osoa esteka honetan aurki daiteke.
[Antolatzaileek emandako argazkiekin]
