Errenteriako Indoor Triatloian izena emateko epea irekita dago
Urtarrilaren 28an egingo dute proba, 15:00etatik aurrera, eta bakarka zein taldeka egin daiteke.
2018an, Fanderiako Igerilekuan egindako proban, parte hartzaile batzuk. Hurrengo asteko larunbatean, hilaren 28an, Errenteria-Oreretako Indoor Triatloiaren edizio berri bat egingo dute Fanderiako Udal Igerilekuetako instalazioetan, eta izen emateko epea irekita dago.
Errenteriako Udalak eta Servicio S.L. Errenteriak antolatutako proba 15:00etatik aurrera egingo dute eta hiru jarduerek osatuko dute: 500 metro igerilekuan, 8 kilometro bizikleta estatikoan eta 3,25 kilometroko lasterketa, Fanderiako bidegorrian antolatutako zirkuitu batean. Denborak kalkulatzeko garaian proben arteko trantsizio-denborak ere hartuko dituzte kontuan.
Lau modalitate izango ditu triatloiak: gizonezkoak, emakumezkoak, taldeak eta familiak. Taldeak hiru kidekoak izango dita eta bakoitzak probaren diziplina bat egingo du.
Proban parte hartu nahi duen orok egin dezake, eta horretarako bakoitzak sei euro ordaindu behar ditu, eta taldeen kasuan, denen artean, hamabi. Izena eman ahal izateko epea irekita dago eta Fanderiako Udal Igerilekuen sarreran edo Galtzarabordako Udal Kiroldegikoan eman daiteke.
Indoor Triatloiaren egunean Fanderiako igerilekua zein hidroterapia gunea itxita egongo dira jendearentzat 14:30etatik aurrera.
