Oarsoirriak inauterietarako motorrak berotzen hasi da
Sagen Musikala egitasmoan parte hartzera deitu dituzte herritarrak. Urteroko desfilea elkarlanean antolatu nahi dute, guraso eta haurrekin.
Inauteriei begira jarri da dagoeneko Oarsoirriak taldea. Aurten Sagen Musikala egitasmoa egingo dutela aurreratu dute eta desfile hori elkarlanean antolatu nahi dute. Horretarako, koreografikoa kolektibo horretan parte hartu nahi dutenei izena eman behar dela gogorarazi diete. Helbide honetara idatzi beharko da, otsailaren 10a baino lehen. “Kantu bat aukeratu, taldean dantza bat asmatu eta plaza zuena izango da!”, diote taldekoek.
Desfilean modu askotara parte hartu daitekeela erantsi dute: koreografia kolektiboan, herritarrek sortutako taldekako koreografietan edota dantza inprobisatuetan. Bukaeran, beti bezala, Maialen eta Xantirekin batera dantzatuko dute partaideek.
Koreografia kolektiboan izenik eman gabe ere parte har daitekeela gaineratu dute.
Entseguak Merkatuzarren egingo dituzte, otsailaren 3 eta 12an, 17:00etatik aurrera.
Azkenik, gogorarazi dute aurtengo gaia film, telesail edo liburu sagak direla.
