Hemeretzi puntu izango ditu urteko lehenengo plenoak
Gai-zerrenda osatzen duten puntu gehienak urteroko hitzarmenei dagozkienak izango dira. Bihar arratsaldean izango da plenoa.
Oiartzungo udalbatza bihar arratsaldean elkartuko da, urtarrilari dagokion ohiko plenoa egiteko. 18:00etan hasiko da udalbatzarra, eta hemeretzi puntu izango dituzte aztergai.
Urtarrilean izan ohi den bezala, hitzarmenak berritzeko aprobetxatzen da urtarrileko plenoa. Besteak beste, Udal Ikastola Partzuergoaren aurtengo ekarpena, kirol elkarteen funtzionamenduen diru-laguntza, musika eskolari ekarpena edo museoena aztertuko dituzte.
Honakoa izango da gai-zerrenda osoa:
- Aurreko batzarren akten onarpena.
- Oiartzungo Udal Ikastola Partzuergoa Oiartzungo Udalari atxikitzea eta estatutuak legez egokitzea.
- Oiartzungo Udal Ikastola Partzuergoaren 2023 urteko ekarpena eta ordainketa moduaren zehaztapena onartzea.
- Oarsoaldea S.A.ren gestio plana gauzatu ahal izateko, udala eta elkartearen arteko 2022ko lankidetza hitzarmenaren baitan, 4. hiruhilekoaren %80ko ekarpena ordaintzea.
- Onartzea Añarbeko Urak, S.A. eta uraren hiri-zikloaren efizientzia hobetzeko proiektuan parte hartzen duten erakundeen arteko elkartze-akordioa, uraren zikloa digitalizatzeko dirulaguntzen deialdian parte-hartzearen kudeaketarako.
- 2023 urteko kontratazio-plana onartzea.
- 2023 urteko udal langileen soldaten igoera onartzea.
- 2023ko udal lanpostu-zerrenda eta plantilla organikoa onartzea.
- Zailtasunak dituzten adin txikikoentzako eta haien familientzako diru-laguntzen deialdia egitea eta oinarriak onartzea.
- Gizarte bazterketa eta ekonomia larritasun egoerei aurre egiteko norbanako eta familientzako diru-laguntzen deialdia egitea eta oinarriak onartzea.
- Oiartzungo kirol-kluben eta -elkarteen funtzionamendu gastuetarako eta jarduna sustatzeko 2023ko diru-laguntzen deialdia egitea eta oinarriak onartzea.
- Soinuenea Fundazioa eta Udalaren arteko hitzarmenaren baitan, 2022ko gastuen zuriketa onartzea eta 2023 urteko diru-laguntzaren gastua eta ordainketa-epeak onartzea eta lehen zatia ordaintzea.
- Luberri Ikasgune Geologikoa eta Udalaren arteko hitzarmenaren baitan, 2022ko gastuen zuriketa onartzea eta 2023 urteko diru-laguntzaren gastua eta ordainketa epeak onartzea, eta lehen zatia ordaintzea.
- Oiartzungo Udala eta Ibargain Musika Eskolaren arteko lankidetza-hitzarmenaren baitan, 2022-2023 ikasturteko ordainketak finkatzea eta onartzea, ikasle-zerrenda onartzea eta bigarren ordainketa egitea.
- Hainbat ordainagiri kobraezin edo preskribatuta aitortu eta kobratze-eskubideari baja emateko izapideak agintzea.
- Beste ekitaldietako ordainagiriak baliogabetzea.
- Oiartzungo Udalaren Finantza Kontroleko Planaren ondoriozko ekintza planaren berri ematea.
- Beste organoen jardueraren jarraipena: hartutako erabakien (Alkatetzaren ebazpenak eta Gobernu Batzordeko akordioak) eta protokolo gastuen berri ematea.
- Eskari-galderak.
