"Lezo udalerri berdinzaleagoa, iraunkorragoa, oparoagoa izatea nahi dut, eta Oarsoaldean pisu handiagoa izatea", azaldu du Garagarzak.
Alexander Garagarza izango da maiatzean egingo diren udal hauteskundeetan Podemos-Ahal Duguren Lezoko alkate izateko hautagaia. Pasaitarra da, eta historian doktorea (Euskal Herriko Unibertsitatean egin zituen ikasketak). “Lezo udalerri berdinzaleagoa, iraunkorragoa, oparoagoa izatea nahi dut, eta Oarsoaldean pisu handiagoa izatea”, azaldu du Garagarzak.
Lehen ikasketak Pasaia-Lezo Lizeoan egin zituela adierazi du alderdi moreak. “Herritarren parte hartzearen defendatzaile sutsua da, aldaketak egiteko tresna politiko gisa”, azaldu du Podemosek, alkategaiaren soslaiaren berri ematean. Hala, Garagarzak azaldu du udalak “herritarren baliabide nagusienetako bat” izan behar duela, “bizi dugun egoera zalantzagarri honen aurrean. Herritarren partaidetzarako mekanismo hobeak sortzeko konpromisoa hartzen dugu, gure nortasun ikur bihurtzeko”.
Hezkuntza “funtsezkoa” dela uste du Garagarzak, “bai ezagutzetan, balioetan, berdintasuna lortzeko, batez ere neskengan eta gazteengan. Urrats hau egin dut nire komunitatearen alde lan egin nahi dudalako, eta nire prestakuntza guztia haien eskura jarri nahi dudalako”.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako. Zure ekarpena behar dugu, babestu tokiko euskarazko komunikabidea.
