EPLEren asteburuko partidak, hemen
Larunbat goizean Euskal Ligako partidak jokatuko dituzte herrikoek; arratsaldean berriz, trinketeko final handian ariko dira herriko bi bikote.
Larunbatean (hilak 28) asteburuko lehiari ekingo dio herriko EPLE klubak. Batetik, Euskal Ligako partida bat jokatuko dute goizean. 10:45etik aurrera, Etxezarreta eta Aranguren eskuz binakako partida jokatuko dute Mundarrokoen kontra, Agustina Otaola pilotalekuan. Ondoren, Olaizolak eta Odriozolak Gure Txeruren kontra euren partida jokatuko dute.
Arratsaldean aldiz, oraingo honetan Irurako (Gipuzkoa) Ametsa Trinketean, EPLE herriko klubeko bi bikotek final handia jokatuko dute, 1. mailako Gipuzkoako eskuz binakako trinketeko finala hain zuzen. Klub bereko bi bikote lehiatuko dira: Taberna eta Chiapuso Azpiroz eta Aranburu.
Klub bereko pilotarien arteko finala izateak kluba une honetan trinketean duen indarra berresten du, erreferentziazko taldea da herrikoa.
