Semeari buruzko hitzaldiarekin hasiko dira Kontxa Murgia omentzen
Manuel Martinez Murgiari buruzko hitzaldia emango du Xose Estevezek. Bihar, poesia errezitaldia; etzi, omenaldia.
Larunbatean izango da omenaldi ekitaldia. Asteburu honetan omenduko dute Kontxa Murgia Egaña, Oiartzunen. Galiziako abertzaletasunaren bultzatzaileetako baten ama izan zen oiartzuarra.
Gaur arratsaldean izango da lehenengo ekitaldia. Xose Estevezek “Rosalia de Castroren senarrari” —Martinez Murgia bera— buruzko hitzaldia emango du. Pleno aretoan izango da, 19:00etan hasita.
Biharko eta etzirako ekitaldi bana antolatu dituzte. Honakoak izango dira:
Bihar, hilak 27
- Errezitaldi musikatua. Anxo Angueira, Antton Kazabon eta Xose Estevez arituko dira euskarazko eta galizierazko poemak errezitatzen. Edurne Saizar pianistak, Haizea Lekuona flautistak eta Oihane Mitxelena soinujoleak girotuko dute saioa.
Etzi, hilak 28
- Kontxa Murgiaren omenezko pikondo bat landatuko dute zimitorio zaharrean, 11:30ean. Iosune Cousillas Kultura zinegotziak eta Anxo Angueirak hartuko dute hitza. Lartaungo txistulariak eta Trisqueleko gaiteroak izango dira bertan. Luntxa batekin bukatuko dute.
