Karmengo Amako txikienek patio berria dute
Txirrista, eskaladarako gunea, belar artifiziala eta egurrezko egitura anitz ditu patio berriak. Harrera hobeezina izan du HHkoen artean.
Karmengo Ama ikastetxeko Haur Hezkuntzako patio berria inauguratu zuten joan den ostiral goizean. Egurra du ardatz jolasguneak eta, besteak beste, txirrista bat, egurrezko egitura balioaniztunak, eta eskaladarako gunea ere baditu.
Alazne Uria eskola publikoko zuzendariak moztu zuen [beheko argazkian ikus daiteke une hori], era sinbolikoan, aisia gunearen inauguraziorako zinta. Zuzendaritzatik ziurtatu dute harrera hobeezina izan duela patio berriak, eta ikasle zaharrenek ere adierazi dutela eurentzako jolasgune antzeko bat nahiko luketela.
Izan ere, Haur Hezkuntzako txikienen behar eta nahietara espresuki egokituta diseinatu baitute Pasaiako Udaleko teknikariek, eskolarekin elkarlanean, patio berria.
