Inauteriengatik Errenteria-Oreretako trafikoan aldaketak
Inauterien ondorioz, Errenteria-Oreretako hainbat kale moztuko dituzte, eta garraio publikoan ere aldaketak egingo dituzte.
![](https://oarsoaldea.hitza.eus/site/files/2023/02/trafiko-mozketa.jpg)
Inauteriak direla eta Errenteria-Oreretako eremu handi batean trtafiko neurriak ezarriko direla esan du Udalak.
Otsailaren 19an, igandean, konpartsen desfilea dela eta, 11:00etatik 15:00etara itxita egongo da desfileak igaroko duen ibilbidea: Pontika-Arramendi pasealekua, Errioxako biribilgunea, Tulle, Mª de Lezo, Xenpelar, Biteri, Nafarroako biribilgunea, Nafarroako etorb., Galiziako biribilgunea, Nafarroako etorb., Alameda, Santa Klarako biribilgunea, Gabierrota biribilgunea.
Horrez gain, desfileari begira, otsailaren 18ko 21:00etatik, otsailaren 19ko 15:00etara, ibilgailuak ezin izango dira aparkatuta egon Tulle, Maria de Lezo, Xenpelar eta Biteri kaleetan, ezta Nafarroa etorbidean, Galizia eta Santa Klara biribilguneen artean. Gainera, Alabergako 4 eta 6 zenbakien arteko eremua ere itxiko dute ekitaldiak irauten duen bitartean Taxi geltokia tokiz aldatu ahal izateko.
Gainera, igandean, desfilea hasi baino 30 minutu lehenago, Beraun eta Arramendi arteko bidegurutzea, Arramendi pasealekua eta Errioxako biribilgunea itxiko dituzte.
Udalak gidariei eskatu die desfilean zehar erdigunetik ez dezatela zirkulatu, eta bide alternatiboen erabilera gomendatu die.
Garraio publikoa
Trafikoa mozteak garraio publikoko linea batzuetan ere eragina izango du. E01 Pasai Donibane – Donostia, E02 Oiartzun – Donostia, E03 Pasaia – Donostia eta E27 Hondarribia – Donostia lineatan Diputazio plaza, Alameda, Gabierrota eta Larzabal geltokiak kenduko dira eta horien ordez, Altamira, Arragua eta Lintzirin egongo dira.
Hiri Zerbitzuko geltokiak ere bertan behera geratuko dira, kaleak trafikoarentzat libre geratu arte. Lehenenengo, geldialdia Tulle kalera pasako da, eta, ondoren, Xenpelar eta Morronguilleta kaleetako ohiko geltokiak erabiliko dira.