[Bideoa eta argazki galeria] Hemen da!
Gur hasi dira Lezoko inauteriak, Trapujaleren etorrerarekin. Jendetza bildu da Martizkone baserritik jaitsi denari harrera egitera.
Hasi dira 2023ko Lezoko inauteriak. Nola gainera. Irrikitan ziren lezoarrak Trapujale eta haren lagun guztiak berriz ere ikusteko, eta ez dute hutsik egin. Jendetza bildu da Gurutze Santuaren plazako harrera ekitaldian (arratsaldean Lezo Herri Eskolan izan da lehena), eta den-denek gozatu dute. Berezi zegoen Lezo gaur, Ostegunzurin. Horrena izango da hilaren 21era arte, Asteartebeltz arte. 35.enez iritsi da Trapujale Lezora. Horren atzean Trapujale Taldearen lan izugarria dago.
Festa aroa hastearekin batera, aitortza ekitaldia ere izan da Gurutze Santuaren plazan. Trapujale Taldeak urtero ematen duen oroigarriak, izen berezia izan du: Joxe Jabier Anuariz. Hark asko lagundu zuen Trapujale Taldean, horregatik, gaur aitortza egin diote taldekideek eta herriak. Haren senideek jaso dute oroigarria Jesus Mari Martiarena alkatearen eskutik. Lagunek, eta senideek, emozioz beteriko hitzak zabaldu dituzte lau haizetara. Zirikua zen Anuariz. Ez zuen mozorrotzea oso gustuko. Baina Lezon, Zirikua zen.
Jarraian, ilunabarrean Lezon bizi izan den giroaren irudiak eta bideoa.
