Haur Pobrezia Zero Herrialde Aliantzakoa da Lezo
Gaur sinatu dute akordioa jarduneko alkate Laura Martinezek, eta Ernesto Gasco Haur Pobreziaren Aurka Borrokatzeko Goi Mandatariak.
gasco, Martinez eta Sanchez, gaur udaletxean. Lezo haur Pobrezia Zero Herrialde Aliantzako kide da gaurtik. Bat egite ekitaldia gaur egin dute udaletxean. Han izan dira jarduneko alkate Laura Martinez, PSE-EEren bozeramaile Joxean Sanchez, eta Ernesto Gasco Espainiako Gobernuko Haur Pobreziaren Aurka Borrokatzeko Goi Mandataria. Bizkai, Araba eta Gipuzkoan egitasmoarekin bat egiten duen hirugarren udalerria da Lezo, aurretik Andoain eta Ermua daudelarik bertan.
Martinezek nabarmendu du haur eta nerabeek jasaten dituzten ezberdintasun eta pobreziari aurre egiteko “programak eta inbertsioak” lantzen jarraituko duela udalak, eta horrekin bat egin. duela aliantzarekin, “oso pozik gaude aliantzarekin bat egin dugulako”. Gascok, bere aldetik, programan tamaina ertaineko udalak egotea garrantzizkoa dela azaldu du, “aliantza herritar guztiengana iristeko”. Gascoren arabera, aliantzak helburu du gau eta nerabe guztiek etorkizunean aukera berdinak izatea, jaiotzaren baldintzak kontuan hartu gabe.
Honakoak dira, zehazki, udalak hartu dituen konpromisoak: oinarrizko giza eskubideen babesa babestea eta errespetatzea; haurren lana desagerrarazten laguntzea; Haurren Eskubideen Konbentzioan oinarritutako funtsezko printzipioak aitortzea; Nazio Batuen Giza Eskubideak eta Enpresak Zuzentzeko Printzipioekin konprometitua egotea, eta ELGeko Enpresa Multinazionalentzako Gidalerroak errespetatzea; eta 2030 Agenda eta Garapen Iraunkorreko Helburuak betetzeko konpromisoa hartzea.
