Pasaiako kirolguneetako bazkideek beste 143 erabili ahalko dituzte
Mugiment Kirol Txartelarekin, pasaitarrek gehiago ordaindu gabe erabili ahalko dituzte Gipuzkoa, Araba eta Bizkaiko beste hainbat kiroldegi.
Donibaneko gimnasioa. 
Pasaiako Udalak onartu du Mugiment Kirol Txartela egitasmoari atxikitzea. Akordioari esker, Trintxerpe eta Donibaneko udal kiroldegietan abonatutako bizilagunek aukera izango dute Gipuzkoa, Araba eta Bizkaiko beste 143 instalazio gehiago ordaindu gabe erabiltzeko, arduradun bakoitzak zehazturiko baldintzetan, betiere.
Txartel birtualla KirolTxartela Mugiment app-aren bidez aktibatu beharko dute erabiltzaileek. Arduradunek azaldu dutenaren arabera, erregistroa egiten dutenek jakinarazpen bat jasoko dute euren mugikorretan, eta ordutik aurrera erabilgarri izango dute bonua. Aski izango da harreran txartel digitala eta NA erakustearekin.
Gipuzkoako 31 —Oarsoaldeko lauak barne—, Bizkaiko 47, eta Arabako 5 udalerri dira iniziatibari atxikitakoak. Horietako bakoitzak erabakiko du zein instalaziotan eta zein ordutegitan zabalduko dizkien ateak Mugiment taldekoei. Pasaiak honakoak eskainiko ditu sarean: Donibanek gimnasioa, Donibane eta Trintxerpeko kirol-guneak, Trintxerpeko rokodromoa, bizikletak mailegatzeko zerbitzuak eta kirol-ikastaroetan egiten diren ikastaroetan dauden soberako plazak.
