Bedatselekuak antolatu ditu Orereta Ikastolak
Udaberriko egonaldian izena emateko epea ostiralean amaituko da; ikasle ez direnek ere eman dezakete izena.
Hilaren 10era arte eman daiteke izena Bedatselekuetan. Bedatselekuak, udaberriko egonaldiak, antolatu ditu Orereta Ikastolak0, eta horietan parte hartzeko hilaren 10era arte eman ahalko da izena. Apirilaren 3tik 14ra bitartean egingo dituzte, Linoko eraikinean goizez, eta HH3 eta LH3 arteko haurrei begirakoak dira ikastolako ikasle izan edo ez.
Izena emateko epea, hilaren 10ean (ostirala) amaituko da. Bedatselekuak proiektu hezitzaile, euskaldun eta propioa dela azaldu du Orereta Ikastolak, “bide batez, familien premiei erantzunez. Euskara ardatz, haurrentzako ekintza erakargarri eta gozagarriak eskaintzea du helburu”.
Informazio gehiago jaso eta izena emateko hemen sakatu.
