[Bideoa] Korrikaldi morea, Oiartzun ibaiaren bueltan
Orereta Ikastolako irakasle, ikasle eta gurasoek hainbat ordutako etengabeko korrikaldia egin dute errioaren bueltan Martxoaren 8aren harira.
Orereta Ikastolako ikasleak Ondartxon. MoreretaOn iniziatiba kalera atera du Orereta Ikastolak eta korrika jarri ditu ikasle, irakasle eta gurasoak Oiartzun ibaiaren bueltan. Martxoaren 8aren harira egin du ekitaldia, eta hainbat orduko korrikaldia egiten ari dira horren barruan.
Kilometroak 23k MoreretaOn Añabitartetik erriora eraman nahi izan du eta horretarako HH, LH eta DBHko ikasle eta irakasleak aritu dira korrika. 08:15ean hasi da iniziatiba Hibaikako egoitzaren parean; zinta morea Maika Tameron Hibaikako kide, eta ETE eta KAE Ligako presidenteak moztu du. Ondartxo inguruan aritu dira korrika egiten DBH1 eta 2ko ikasleak. MoreretaOn txikia egin dute haur eskolako ikasleek Esmalterian, papelera parean HH4 eta 5 eta DBH 3 eta 4ko ikasleek, LHko ikasleek Gernika plazaren parean, eta azken txandan familia eta herritarrak batu dira iniziatibara Gernika plazaren parean.
