Oarsoaldeko eskubaloi taldeek udako campusa antolatu dute
Zabalik da Ereintza, Munttarpe eta Donibane Eskubaloia taldeen kirol egonaldian izena emateko epea, 8 eta 12 urte bitartekoentzat.
8 urtekoak izango da parte hartzaile gazteenak, eta 12koak helduenak. 
Udako eskubaloi campusa antolatu dute 8 eta 12 urte bitarteko Oarsoaldeko gazteentzat bertako eskubaloi taldeek, alegia, Ereintza, Munttarpe eta Donibane Eskubaloiak.
Bi txanda egingo dituzte: ekainaren 26tik 30era lehena, eta uztailaren 3tik 7ra bigarrena —astelehenetik ostiralera, biak ala biak—. Gazteek aukeratuko dute bietako zeinetan, edota bietan, parte hartu nahi duten. Ordutegiak berberak izango dira txanda bietan: 09:30etik 13:30era.
Aipaturiko egunetan zehar orotariko jarduera, joko eta eskubaloiarekin loturiko ariketak egingo dituzte parte hartzaileek. Prezioak honakoak izango dira:
- Astebetez:
- Bazkide ez direnentzat: 75 euro. (Bigarren anai-arreba: 60 euro).
- Bazkide direnentzat: 70 euro. (Bigarren anai-arreba: 55 euro).
- Bi astez:
- Bazkide ez direnentzat: 130 euro. (Bigarren anai-arreba: 105 euro).
- Bazkide direnentzat: 125 euro. (Bigarren anai-arreba: 100 euro).
Izena eman nahi duenak dagoeneko egin dezake hori esteka honetan klik eginez. Informazio behar duena, bestalde, antolatzaileekin harremanetan jar daiteke posta elektroniko bidez.
