Sanpedrotar eta trintxerpetarrak odola ematera deitu dituzte
Datorren astearte arratsaldean egingo dute boluntarioek elkartasun keinua, Trintxerpeko Jubilatuen Egoitzan.
![](https://oarsoaldea.hitza.eus/site/files/2023/03/jubilatuen-egoitza-trintxerpe.png)
Trintxerpe eta San Pedroko odol emaileen talde boluntarioak hurrengo saiora deitu ditu bizilagunak: hilaren 21ean izango da hitzordua, asteartearekin, Trintxerpeko Jubilatuen Egoitzan.
Ohi bezala, arratsaldez egingo dute saioa: 16:00etan hasi eta 20:10 bitarte emango dituzte hitzorduak. Ohiko emaile direnei telefonoz egingo diete dei arduradunek, eta lehen aldiz odola eman nahi dutenek telefono zenbaki honetara dei dezakete: 943 00 78 85.