Oarsoaldeko Rugbyzaleek asteazkenetan ere egingo dute ikastaroa
Orain arte igandero egiten zuten ikastaroa. Bigarren aukerarekin, jasotako eskaerei erantzuna eman nahi die Oarsoaldeko Rugbyzaleen taldeak.
Maier Aia, Txingudi Rugby taldeko jokalari oiartzuarra, Mungiaren aurkako partidan erdiko sakea egiten. Argazkia: Txingudi RC Azaroan hasi zen Oarsoaldeko Rugbyzale taldea errugbi ikastaroak antolatzen igandero. Bihartik, igandetako ikasataroaz gain, asteazkenero ere antolatuko du jasotako eskaerei erantzuna eman asmoz. Asteazkenetan 19:00etatik 20:30era izango da ikastaroa. Igandetako zeina asteazkenetako ikastaroak, Fanderiako futbol zelai txikian egiten dituzte.
Bi ikastaroak 8 urtetik gorako edozeini irekiak direla zehaztu du kirol taldeak, baina, igandekoa txikienentzat izango dela, eta asteazkenetakoa, berriz, 13 urtetik gorakoentzat.
Ikastaroetan errugbiaren oinarrizko mugimenduak, terminologia eta araudia azalduko dituzte. Oarsoaldeko elkarteak, Txingudi Rugby Taldearen laguntza izaten jarraituko du, eta jendea bertaratzera animatu dute, inongo konpromisorik gabe.
Informazio gehiago jaso nahi dutenentzat hainbat bide dituztela gogorarazi du Oarsoaldeko Rugbyzale taldeak: sare sozialak, posta elektroniko helbidea, edota 688 69 63 03 telefono zenbakia.
