Familia Jolasean programak ginkana antolatu du larunbaterako
Itzulia 2023 aitzaki hartuta Itzuli Txikia egingo dute Gaztañoko erabilera anitzeko gunean. Bizikleta eramatea eta izena ematea ezinbestekoa da parte hartzeko.
Gaztañoko frontoiak badu murala. Argazkia: Gaztañoko Auzo Elkartea Ginkana antolatu du Familia Jolasean programak larunbaterako. Itzulia 2023 oinarri hartuta Itzuli Txikia antolatu du. Gaztañoko erabilera anitzeko gunean egingo dute 16:30etik 18:30era, eta parte hartzeko, ezinbestekoa da izena ematea, eta parte hartzaile bakoitzak bere bizikleta eramatea. Izena emateko azken eguna, ostirala izango da eta 10:00ak baino lehenago egin beharko da. Izena emateko, egin klik hemen.
Errenteriako Udalak familia Jolasean programaren bidez familia artean euskara sustatzen du aisialdiko jardueren bidez. Ikasturte honetan zehar, Agustinak auzoko Koldo Mitxelena Markola ikastetxeko eraikinaren egiten diren jarduerez gain —ostiraletan izaten dira 17:30etik 19:30era—hilean behin, larunbatarekin, hainbat ekintza antolatuko dira herrian.
