Lore eta landare azoka berezia zumardian, bihar
Gipuzkoako ekoizle nagusienak izango dira azokaren hamaseigarren aldian, tartean, Dekolore elkartea osatzen duten ekoizleetako hamabik.
Lore eta landareen azoka berezia egingo dute bihar , hamabosgarrenez. Zumardian izango da eta Gipuzkoako ekoizle nagusienetakoak izango dira bertan, tartean Dekolore elkartea osatzen duten ekoizleetako hamabi.
Azoka 10:00etatik 14:00etara izango da zabalik eta landareez gain, kosmetika naturala, sendabelarrak, haziekin eta lore lehorrekin egindako artisau lanak, sukaldaritzarako landareak eta hazi zein landare ekologikoen postuak ikusteko aukera izango dute bertaratzen direnek.
Txikienentzako txokoa ere antolatu dute azokaren barruan. 11:30etik 13:00ak arte haurrentzako landaketa eta lore lehorrekin eskulanak egiteko tailerrak izango dira.
Behemendi elkartea 2002. urtean hasi zen Baserriko Produktuen Azoka Bereziak antolatzen. Azokak antolatuta baserritar feriek bizi duten beherakadari aurre egin nahi diote antolatzaileek zehaztu dutenez, “lehen sektorearen beherakada nabarmena da, eta horri, erosleen ohitura aldaketak gehitu behar zaizkio”.
Azokan izango diren postuak, ondoren:
-
El Montañes haztegia: Landare usaintsuak eta apaingarriak.
-
Islaya Haztegia: Kaktusak.
-
Zunoyar lorategia: Barruko landareak, landare apaingarriak eta bildumako landareak.
-
Ortuberri: Baratzako landareak eta loredun landareak.
-
Urtinea: Barruko eta garaiko landareak.
-
Aritzkurengo Tienduka: Kosmetikako artisau-produktuak eta medikuntza naturala.
-
Lore prentsatua: lore prentsatua, lore lehorrekin egindako koadroak.
-
Hazi ekologikoak: Sendagarri eta sukaldaritzako erabilera duten landare eta haziak
-
Sojo natura: Kosmetika naturaleko artisau-produktuak.
-
Sara Letamendia: Kosmetika naturaleko artisau-produktuak.
-
Flores Ganchillo: Artisau bitxiak lore-motiboz eginak.
-
Tissus Artisautza: Lore lehorra, banbu, eukalipto eta abarren oinarrietan kapsulatua.
-
L’Atelier de Su: Lore moztua, lore lehorra, kokedamak, e.a.
